تفاصيل الرحلة

تفاصيل رحلات سيوة فى 2025 - شم النسيم - 4 ايام 3 ليالى

سيوة الجنّة اللى فى وسط الصحراء❤️
المكان اللى صعب تلاقى حد سافره ومرجعش منه مبسوط 😍😍
برنامجنا مدته 4 ايام 3 ليالى، هنلف فيهم سيوة كلها حتة حتة، هنعمل سافارى وهنتعشى كل يوم فى مكان احلى من التانى، غير طبعًا المعابد وعيون المياة والبحيرات اللى هننزلها😍😍

✈️البرنامج✈️

اليوم الاول:
- هنوصل نستلم الغرف فى الاوتيل ونستريح شوية من مجهود السفر
- هنروح زيارة لجبل الموتى واحد من اشهر جبال سيوة وهندخل المقبرة الفرعونية اللى هناك.
- هنروح نتفرّج على الغروب من جزيرة فطناس
- هنروح بعدها ناخد العشا بتاعنا
-بعدها عندنا جولة حرة فى قلب البلد عشان نعمل شوبينج ونشترى المنتجات السيوية الجميلة
- هنرجع على الاوتيل ناخد سهرتنا هنك عشان هنبقى اكيد لسه مُجهدين من مشوار السفر، وبكدة نبقى خلّصنا اليوم الاول.

اليوم التانى:
- هناخد الفطار فى الاوتيل
-هنتحرك على معبد آمون اللى يعتبر من اشهر معابد سيوة
-هنروح زيارة لحصن شالى القديم، اقدم قلعة تاريخية فى سيوة.
- هنعمل سافارى بعربيات چيب فى بحر الرمال، رحلة مدتها سبع ساعات بنزور فيها البحيرة الباردة وعين المياه الساخنة، ومنطقة الحفريات، وبنعمل ساند بوردينج، وبناخد الشاى السيوى واحنا بنتفرج على الغروب من قلب بحر الرمال الاعظم
- هنختم يومنا بالعشاء فى كامب فى الصحرا ونكمل سهرتنا عالطبلة على احلى الاغانى السيوية😍

اليوم التالت:
- هنصحى ناخد فطارنا فى الاوتيل كالعادة
- هنتحرك لزيارة عين كيلوباترا، اشهر عين مياه عذبة فى سيوة.
- بعدها هنروح البحيرات المالحة، اللى درجة نقائها مالهاش زى فى مصر كلّها.
-هنطلع على كامب الشيخ على خالد، ناخد العشا هناك ونطلع جبل الدكرور اللى فى وش الكامب نحضر الغروب وننزل على طول على عين المياه السخنة اللى هناك اللى هتساعدنا نريلاكس خالص وننسى كل مجهود السفرية ونبقى ختمنا برنامجنا فى سيوة.

اليوم الرابع:
هنصحى ناخد فطارنا ونركب مواصلاتنا عشان نرجع القاهرة✌🏻

🛏️الاقامة🛏️
فندق بينتا لودچ سيوة، واحد من اجمل الفنادق، مبنى عالستايل السيوى فى كل التفاصيل ومش هنحكيلكم عالفطار عشان نسيبكم تجربوه بنفسكم❤️

💸السعر💸
سعر الرحلة للفرد: 5500 جنيه.
السعر شامل:
- الانتقالات ذهاب وعودة من القاهرة لسيوة باتوبيس حديث مكيّف.
- جميع الانتقالات داخل سيوة
- الاقامة فى فندق ثلاثة ليالى بالإفطار فى غرف ثنائية وثلاثية
- البرنامج بالكامل، وجميع تذاكر دخول المزارات.
- مرشد سيوى طوال فترة الرحلة.
- وجبات العشاء فى الثلاثة ايام، عشاء اليوم الاول فى مطعم زردة، عشاء اليوم الثانى فى كامب فى الصحراء، عشاء اليوم التالت فى كامب على خالد.
- كمان السعر يشمل رحلة السفارى، ولو مش حابب تعملها بيتم خصم مبلغ 650 جنيه في حالة الرغبة في الغاءها.