تفاصيل الرحلة

تفاصيل رحلة الاقصر واسوان بالكروز فى عيد الفطر - 4 ايام 3 ليالى💙

لو حابب تجرّب تبيّت فى فندق عملاق متحرك فى قلب النيل، لمدة 4 ايام 3 ليالى، تتحرك فيهم من اسوان للاقصر، وتعدّى على كل المزارات المشهورة فى سكّتك، يبقى هات ودانك وعقلك وجهّز شنطتك عشان الكلام اللى جاى ده هايعجبك جدًا❤

✈البرنامج✈

اليوم الاول: اسوان❤
هنوصل نبدأ مباشرة بزيارة لمعبد فيلة، واحد من اجمل معابد اسوان واللى بنوصلّه بمركب فى النيل😍
بعدها هنتحرك عالكروز نستلم الغرف ونريح شوية وبعدين هننزل بقى ناخد جولة على كورنيش اسوان ونتمشى ونعمل شوبينج وبكدة نكون خلّصنا اليوم الاول😍

اليوم التانى: النوبة وكوم امبو❤
هنصحى نفطر عالنيل طبعا وكل يوم من ده😂
وبعدها ناخد مركب ونطلع على قبة ابو الهوى ومن فوق هنتصوّر احلى صورة فى السفرية كلها ❤
وبعدها بقى هنطلع عالنوبة، وتحديدا على قرية غرب سهيل فى النوبة، واحدة من اجمل القُرى النوبية فى اسوان..
هنتصور عند البيوت النوبية الملوّنة اللى عالنيل، هنزور بيت نوبى ونتفرج عالتماسيح اللى هُم بيربّوها فى البيت🤷🏻‍♂😂
وكمان هنعمل حفلة نوبى ونخرب الدنيا رقص وتنطيط وفرهضة😂😂😂
بعدها هناخد جولة شوبينج كمان ونشترى احلى منتجات ومشغولات نوبية❤
وبعدها هنرجع عالكروز عشان هنبدأ ابحار فى النيل لحد مانوصل كوم امبو وهناك هنزور معبد سوبيك واحد من اجمل معابد الصعيد..
بعدها هنرجع للكروز نكمل ابحار لمدينة ادفو وهناك هنستقر ونرسى لحد تانى يوم..

اليوم التالت: الوصول للاقصر❤
اول مانصحى هنلاقى الكروز بدأت فى الابحار للاقصر، وفى طريقنا هنعدّى على هويس إسنا ونشوف الفرق فى منسوب النيل..
وبعدها هنوصل الاقصر!🔥
ونبدأ مباشرة بزيارة معبد الكرنك ومعبد الاقصر وطريق الكباش اللى بيربط بينهم واللى خلّاهم اكبر معبد مفتوح على وجه الارض!❤
بعدها هننطلق فى جولة حرة على كورنيش الاقصر ونزور السوق القديم ونعمل شوبينج من اجمل محلات الاقصر وبكدة نبقى خلّصنا اليوم التالت..

اليوم الرابع: معابد الاقصر والرجوع للقاهرة😞
هنصحى نعمل تشيك اوت وبعدها هنبدأ يومنا بإننا نحضر الشروق من بالون الاقصر فى تجربة من احلى التجارب اللى ممكن تعملها فى حياتك❤ "اختيارى"
وبعدها هنزور باقى معابد الاقصر كلّها..
معبد حتشبسوت ووادى الملوك وتمثالى ممنون..
وبعدها هنتحرك ونبدأ طريق الرجوع للقاهرة 🙏

🛏الاقامة🛏
نايل كروز رويال ادڤنشر❤
واحدة من اجمل كروزات الاقصر واسوان، وطبعًا كل الغُرف بتطل على النيل مباشرة!💙
اقامة كاملة بالوجبات فطار وغدا وعشا.

📆المواعيد📆
مدة الرحلة 4 ايام 3 ليالى.
المعاد الوحيد المتاح: من الاربعاء 2 ابريل "السفر الثلاثاء 1 ابريل بالليل" ليوم السبت 5 ابريل "موعد العيد الصغير"

💸السعر💸
سعر الرحلة للفرد: 10,900 جنيه.
السعر شامل:
- الاقامة الكاملة 3 ليالى فى نايل كروز رويال ادڤنشر
- واحدة من اكبر كروزات الاقصر واسوان - غرف دابل وتريبل، بالفطار والغداء والعشاء.
- البرنامج المذكور بالكامل.
- تذاكر دخول كل المزارات والمعابد
- زيارة القرية النوبية
- مرشد سياحى فى الاماكن السياحية
- الانتقالات الداخلية بالكامل، سواء مراكب او سيارات.
- الاكراميات لطاقم البحارة
‏‎- تذكره قطر العادى الدرجة الاولى ذهاب وعودة
غير متاح الحصول على غرفة سينجل فى الرحلة ديه للاسف