تفاصيل الرحلة

رحلة اجازة العيد 🎉
رحلة تصلح للجميع لو اول مرة تخييم أو محترف تخييم بتحب المشي او بتحب الاستجمام وسط الطبيعه💚

‎هتخيم وتعمل هايكينج و سفاري وسط أجمل مناظر ممكن تشوفها 🏊 🧗🌄

‎تفاصيل الرحلة:
‎التحرك اول يوم العيد بليل الساعة ١١:٠٠ مساء من العباسية امام برج مصر للسياحة

‎اليوم الاول :
‎ وصول ابو زنيمة
كامب بيت بركات
هنغير و ندخل الحمام و نطلع جبل و معبد سرابيط الخادم نشوف المعبد الفرعوني الوحيد في سيناء
و ننزل نفطر و نجهز نفسنا لرحلة السفاري
هناخد عربيات السفاري و نروح مدينة المنجنيز المهجورة ( ام بجمة ) و نتفرج علي مناجم المنجنيز و نلحق نشوف التليفريك الانجليزي قبل ما يتشال و يتباع خردة

بعدها نطلع من مدينة ابو رديس الي الطور و عربيات السفاري هتدخلنا لحد ( المطلب ) نهاية وادي اسلا
و هناك هنفرد الخيم و نحضر العشاء باربيكيو و نعمل كامبينج

اليوم التاني
هنصحي نقفل الكامب و نفطر و نبدا يومنا
هنعمل هايكينج ٨ كيلو لحد اجمل جزء في وادي اسلا ( الشلالات الصغيرة )
و هناك هنتصور و نتفرج عليها و نحضر الكامب بتاعنا ونتعشي باربيكيو


اليوم التالت
هنصحي نلم الكامب نعمل هايكينج للرجوع للمطلب ٨ كيلو
هناك عربيات السفاري هتكون في انتظارنا و هتاخدنا لاجمل وادي في سيناء (وادي تمان )
هتوصلنا لاول الوادي و نعمل هايكينج ٤ كيلو لحد منبع المياه نتصور معاه و
و نرجع تاني هتاخدنا لابو زنيمة و من هناك هناخد الميكروباص بتاعنا للعودة للقاهرة
هنوصل في حدود الساعة ١١:٣٠ بليل



‎💰سعر الرحلة ٥٣٥٠ جنيه للفرد شاملة:

‎- الانتقالات من و الي القاهرة
‎- الجمال لحمل الشنط خلال الهايكينج
‎- عربات دفع رباعي للوصول لمنطقة المطلب
‎- عربات دفع رباعي لوادي تمان
‎- الوجبات وجبتين يوميا -
‎- رسوم دخول المحميات و الدليل البدوي
- خيمة دبل ( لا تقلق في حالة اشتراكك لواحدك هنوفرلك رفيق مناسب )

‎❌❌ لا تشمل:
‎- ركوب الجمل بدلا من الهايكينج (٢٠٠٠ج يرجي التبليغ اثناء الحجز )
‎- ايجار سليبنج باج في حالة عدم توافرها (٣٥٠)
في حالة الرغبة في خيمة سنجل (٥٠٠ جنيه )

* آخر موعد لحجز الرحلة قبل تاريخها باسبوعين أو مع اكتمال العدد.