تفاصيل الرحلة

جبل رمحان (أسطورة الجبال) و ثرو هايك وادي إسلا ( من سانت كاترين للطور)

هنطلع جبل رمحان في أجازة العيد ان شاء الله.
رابع مرة لعشيرة الوادي في جبل رمحان .. من الجبال الملحمية في سانت كاترين، ويعتبر واحد من أعلى 10 قمم جبال فى مصر و أكثرهم خطورة
لذلك الأولوية ل ال عندهم خبرة في الهايكينج.

الطلعة تتضمن:
حمل شنطة full backpack كاملة لمسافة حوالي 45 كم على مدار 3 أيام عبر الأودية. (يوجد خيار حمل الشنطة على الجمل بتكلفة اضافية)
طلوع قمة الجبل بشنطة خفيفة لكن الحذر أثناء طريق الطلوع كله (الجبل مشهور عنه أنه صخوره مش ثابتة/ بترمح 😃 .

المشي على الحواف في بعض الأحيان - مع العلم دور الأدلة يدلونا على الإتجاه عموما لكن خفة الحركة هتضطرنا نعرف نختار أي صخرة نحط رجلينا عليها
- يوجد مقدمة مهمة عن الملاحة للمشاركين (المهتمين) لمعرفة شكل المسار والإرتفاع وبعض المعلومات الأساسية في تعلم الملاحة في الجبال

ان شاء الله هنتحرك يوم الأربعاء 2 أبريل الساعة ٩ بليل من أمام قصر البارون
و نرجع يوم السبت 5 أبريل الساعة 12 بليل

البرنامج :

الأربعاء 2 أبريل
-التجمع أمام قصر البارون 9 م نتحرك ونوصل كاترين صباحا

يوم الخميس 3 أبريل :
بعد الافطار هنبدأ نتحرك في هايك مسافة 5 كم
لحد نقطة معينة وبعدها نركب عربيات بيك أب هتمشي بينا في الوديان من ساعة لساعة و نص وبعدها هنكمل مشي مسافة 5 كم عشان نوصل لنقطة التخييم القريبة من قاعدة الجبل
أول يوم مستوى سهل (١٠ كيلو وديان) هنوصل و نخيم ونتعشى ووهننام بدري جدا عشان نستعد لليوم التاني

الجمعة - يوم صعود القمة - 4 أبريل
-تاني يوم نصحى بدري 3:30 فجرا ان شاء الله عشان نبدأ رحلة الصعود , هنطلع الجبل وطريق الطلوع يتطلب حذر عشان بعض صخور الجبل مش ثابتة ونسبة كبيرة من طريق الصعود بانحدار
نوصل القمة باإذن الله قبل الظهر ونكتب أسمائنا في صندوق القمة و ننزله ( خفيف خفيف )و نكمل جزء مشي في وادي رمحان بالليل 5كم (يوم طويل و صعب)

-تالت يوم السبت:
هنمشي وادي إسلا حوالي 27 كم (يوم طويل بس متوسط الصعوبة)
و هنخلص بعربية تمشي بينا نص ساعة لحد ما نقابل الميكروباص بتاعنا تاني
المرونة و الصبر والحذر ومراعاة احتياطات الأمان سواء ليك أو لزملائك في المسار أساس الطلعة.

#الجمال:
الطلعة هيكون معانا فيها جمل لحمل الأكل
لو محتاج تحط شنطتك كاملة على الجمل طول الطلعة تضاف تكلفة إضافية1200 ج

أول يوم هيكونوا ١٠ كيلو مشي في وديان لحد قاعدة الجبل ، هنمشيهم
full backpack

تاني يوم هنطلع و ننزل الجبل خفيف خفيف، و بعد كده ناخد شنطنا من قاعدة الجبل اللي كنا مخيمين عندها و نتحرك ٥-٧ ك بليل بشنطنا 🤝

#هتحتاج: -بطاقة أو جواز سفر (أساسي)
-كوتشى مريح (يكون مخصص للهايكنج أو الجري)
-كاب/غطاء للرأس (أساسي)
-صن بلوك أو ملابس خفيفة بأكمام (تجنب القطن تماماً)
-منامة/سليبنج باج (أساسي)
-خيمة (اختياري)
-شراب زيادة
-سناكس أثناء الهايك
-كشاف رأس (أساسي)
-جاكت زيادة علشان الجو بليل
-أدوات الأكل الشخصية (معلقة/كوباية/طبق)

#التكلفة: 5350 ج
يضاف 1200 ج لو هتحتاج تحط شنطتك على الجمل طول الطلعة

التكلفة تتضمن: -ميكروباص هاى إس مكيف من و إلى القاهرة
-الأدلة و المنظمين
-العربيات لبداية/نهاية الدرب
-الجِمال لحمل الأكل
-الوجبات