تفاصيل الرحلة

بعد رمضان بنكون محتاج رحلة بسيطة عشان نقضي إجازة العيد في مرسى علم ان شاءالله

هنتقابل تاني يوم العيد بليل عند قصر البارون الساعة ١٠ بليل عشان نتحرك على مرسى علم الساعة ١١

هنوصل الثلاثاء الصبح بدري ان شاءالله كامب على البحر مباشرة هنفطر ونريح شوية من مشوار الطريق وعلى العصر هنزور النيزك ودي واحدة من عجائب الأرض هنرجع على المغرب ناخد شاور ونستعد للعشاء نتعشى وننام بدري عشان ادامنا يوم طويل

هنصحى الأربعاء بدري نفطر ونلبس مايوهاتنا ونطلع على واحد من أجمل شواطئ العالم نكون جاهزين بأدوات السنوركلينج عشان دا أجمل مكان ممكن نعمل فيه سنوركلينج هنقعد هناك براحتنا وبعد كدا هنروح نشوف أجمل غروب من عند اكبر وأقدم شجرة منجروف في العالم في محمية قلعان هنرجع ناخد شاور ونتعشى ونسهر سوا تحت النجوم

يوم الخميس هيكون يوم حر يعني هنصحى براحتنا نفطر وكل شخص يكون له مطلق الحرية يعمل ايه ممكن يستجم في الكامب او ينزل شاطئ الكامب ودا فيه سلاحف كتير واسماك ملونة او يعمل سفاري سواء في وادي الجمال او بيت الدولفين بتكلفة اضافية
بليل بقى بعد العشاء هتكون اخر ليلة نعمل حفلة ونهيص بقى

يوم الجمعة هنصحى بدري نفطر ونجهز حاجاتنا عشان نلحق نتحرك على القاهرة

التكلفة: ٧٠٠٠ شاملة الانتقالات من وإلى القاهرة في ميكروباص هاي اس مكيف
الإقامة في كامب بيئي على البحر مباشرة