تفاصيل الرحلة

رحلة مرسى علم اجازة شم النسيم مزارات الرحلة القصير - محمية وادى الجمال - القلعان - النيزك - حنكوراب - راس غارب

تكلفة الرحلة ٤٩٥٠ تشمل كل شيء

اربع ايام تخييم مرسى علم خليج القلعان مع مزارات المحمية الساحلية. الرحلة تشمل كل شيء انتقالات وجبات ومياه ومشروبات ساخنة وأدوات تخييم وتصاريح وتصوير

• اليوم الأول:
وصول القصير وتناول وجبة الفطار مع الشروق ونتحرك على مرسى علم منطقة التخييم خليج القلعان . هننزل البحر وتصوير مع شجرة المانجروف وبعد الغروب تناول وجبة العشاء

• اليوم الثاني:
نصحى قبل الشروق نتصور مع الشروق بجوار شجرة المانجاروف وهيكون الفيو تحفة وقت الشروق ما ينفعش نفوته وبعد كدة تناول وجبة الفطار في الكامب ونتحرك على شاطيء حنكوراب أو شرم اللولي هننزل المياه هناك وهنعمل أحلى سنوركلينج ونشوف أنواع مبهرة ومختلفة من الأسماك والكائنات البحرية والشعاب المرجانية واعملوا حسابكوا يكون معاكوا الأدوات الخاصة بالسنوركلينج بتاعتكوا لأن غير متوفر تأجير أدوات سنوركلينج هناك وبعد الضهر نروح شاطيء النيزك ننزل البحر وبعدين نرجع الكامب بتاعنا نتعشى.

• اليوم الثالث:
نصحي على رحتنا ونفطر ونتحرك على شاطيء ابو غصون واللي يحب يطلع جبل الو غصون ويرجع ينزل البحر هيكون معاكم دليل للهايك ونخلص يومنا ونرجع الكامب نتعشي

• اليوم الرابع:
هنصحى الصبح نقفل شنطنا والخيمة بتاعتنا وبعدها نفطر ونتحرك على النيزك منطقة تصوير ونتحرك على مدينة مرسى علم لقضاء جولة حرة وأخيرا نروح على رأس غارب لتناول وجبة الغداء أو العشاء على حسب الوصول "خارج حساب الرحلة "

▪︎ ملحوظة: "مفيش وقت محدد للوجبات" فلو أي حد بياخد دواء في وقت معين أو بيحب ياكل أكتر من وجبة يجيب معه سناكس أو علبة تونة أو درة.

▪︎ مهم يكون معانا احتياجاتنا الشخصية والأدوات: طبق وملعقه وكوب، سناكس، باور بانك، شال أو غترة أو كاب، نضارة شمس.
شنطة ظهر فيها ملابس خفيفة تكفي ٤ أيام وسليبنج باج أو غطا خفيف.

▪︎ أماكن الإقامة والتخييم فيها حمامات وكهرباء وكافيتريا وشبكة موبايل